Laras: Mandalung

Layar Kincang

Basisir ombakna lirih

Angin leutik...angin leutik sumiliwir

Dipayungan mega bodas

Laut miyuni talaga

Parahu pating suruwuk

Pincang siga lancah mentrang

Layarna pating pelentung

Warna warni layar kincang

Nambih asri titinggalan

Lapat-lapat pamayangna

Dilanglangan...dilanglangan manuk laut

Sukan-sukan jeung pamayang

Ngaprak ngahias sagara

Taya nu ngahalang-halang

Nu sidengdang dina caang

Mayungan pamayang muntang

Dianteur ku layar kincang

Nyiriwik badis maliwis

Lagu-lagu tembang Cianjuran

Laras:Mandalung

Pager Baya

Sinatria tur pangger tangtungan

Tali rabi lamun mancen mager nagri

Pantang jejerih ku peurih

Sabar nampa amarah

Mangsa raga awor jeung lawan

Pantang gedag ku sentak

Ngagem budi luhur

Kujang nya perlambang jaya

Seuweu siwi Hyang Prabu Siliwangi

Pager baya wijaksana